Франк Кеси е еден од играчите на Барселона кои најверојатно ќе го напуштат клубот на крајот на сезоната. Според „Спорт“, Каталонците за ова ќе го известат играчот откако тимот на Чави Хернандез и официјално ќе ја освои титулата во Ла Лига.
Кеси беше потпишан како слободен играч минатото лето. Иако не може да се смета за стартер во тимот на Чави, во стручниот штаб генерално се задоволни од неговиот придонес.
Сепак, на клубот му се потребни финансиски приходи до 30 јуни, кои ќе одлучуваат за судбината на Кеси.
За играчот се заинтересирани Милан и Интер, но во Барселона не веруваат дека италијанските клубови ќе ја платат бараната сума за трансфер, па од „Камп Ноу“ размислуваат дека ќе можат да го продадат играчот од средниот ред во Англија.
Тотенхем сериозно се распрашува за цената на Кеси. Барселона ќе сака нешто повеќе од 25 милиони евра за него, што би било добра добивка со оглед дека клубот го доведе играчот бесплатно.
