Барселона со многу мака дојде до победа (1-0) против Валјадолид на „Камп Ноу“, но ја исполни целта, освои три бода и сега заостанува само бод зад лидерот Атлетико Мадрид на врвот на табелата во Ла Лига. Тука е и Реал Мадрид, со два бода помалку од Барса, а во пресрет на „Ел Класико“, големиот дуел на вечните ривали кој ќе се одигра следниот викенд во Мадрид.
Осман Дембеле во 90.минута успеа да го скрши отпорот на Валјадолид. Гостите останаа со играч помалку во 79.минута кога Оскар Плано заработи исклучување, а во финишот каталонскиот тим успеа да постигне победнички гол.
