Барселона имаше победа в раце на „Балаидос“, но на крајот одигра само 2-2 против Селта во Виго. Во завршницата, тимот на Ханси Флик ја испушти предноста, па дури мораше да спасува и бод.
Рафиња во 15.минута обезбеди водство за Барселона, а Левандовски зголеми на 0-2 во 61.минута. Се чинеше дека работата е завршена.
Но, потоа Касадо беше исклучен поради втор жолт картон и тоа се покажа кобно за Барселона.
Во 84.минута, по големата грешка на Кунде, домаќините намалија со голот на Алфонсо Гонзалес.
Само две минути подоцна, Хуго Алварез успеа да постигне и погодок за израмнување.
Барселона сега има 34 бода, пет повеќе од Атлетико Мадрид, и седум бода предност пред Реал Мадрид, кој има одиграно два натпревари помалку.
