МАКФУДБАЛ во Прага,
Никола Ѓуровски
Фудбалската репрезентација на Македонија утре (15 часот) во Прага игра против Украина и се надева дека може да оствари успех кој ќе го остави нашиот национален тим во игра за второто место во групата и пласман на ЕВРО 2024.
Капитенот Енис Барди со пофални зборови се изрази за Украина, но и истакна дека Македонија може да игра против сите и се надева на успех.
„Украина има доста квалитетни играчи без разлика на тоа кој ќе игра за нив и не се фокусираме на нивните отсуства. Се фокусираме само на нашата игра и да се покажеме во светло издание. Ние многу често кога сме заедно зборуваме за нашите грешки и се обидуваме да не ги повторуваме. Се надевам дека ќе бидеме вистински на утрешниот меч“, изјави Енис Барди.
Натпреварот меѓу Украина и Македонија се игра утре од 15 часот на стадионот на Спарта Прага.
