Фудбалската репрезентација на Македонија утре го отвора настапот во новото издание во Лигата на нации. Прво искушение е селекцијата на Фарски Острови, а националниот тим од вчера е веќе во Торшавн.
Капитенот Енис Барди верува дека Македонија ќе ги отвори мечевите во Лигата на нации со триумф.
„Сите сме свесни што нѐ очекува. Ги направивме сите потребни анализи за мечот и подготвени сме сите да го дадеме најдоброто на терен. Атмосферата во селекцијата е одлична, една од најдобрите во последно време. Имаме одлични поединци како Миовски, Елиф, Столе, но и како тим сме одлични и верувам дека може да направиме добри резултати“, вели Барди.
„Теренот е како за нас така и за нив. Наше е да излеземе, да го дадеме максимумот и верувам дека ќе направиме добар резултат“, оптимист е капитенот на националниот тим.
