Македонскиот репрезентативец Енис Барди би можел да го напушти Леванте ова лето, но, сепак, да остане и понатаму во градот. За него е заинтересиран градскиот ривал Валенсија, кој сака да го искористи испаѓањето на Леванте и да ги ангажира најдобрите играчи од овој тим. Меѓу тројцата кои се на листата на желби на „лилјаците“ е и Енис Барди, заедно со Гонзало Мелеро и Хозе Кампања.
На Леванте му се потребни финансии, околу 10 милиони евра, за да ја покрие дупката од финансискиот фер-плеј уште од минатата година, а рокот е 30 јуни. Поради ова, можно е да дојде до зделка со градскиот ривал Валенсија.
За Барди изминатиот период се интересираа неколку клуба од Ла Лига, Бетис, Реал Сосиедад, а се споменуваа и Лион, Торино, Лацио, Борусија Дортмунд.
