Баерн Минхен ја запиша својата 19-та победа во Бундеслигата оваа сезона, триумфирајќи на гости против Штутгарт со 1-3. Баварскиот тим сега има 11 бода предност на врвот на табелата пред Баер Леверкузен, но и еден одигран натпревар повеќе.
Штутгарт прв поведе на овој дуел со голот на Анџело Стилер во 34. минута, но Баерн израмни преку Мајкл Олисе пред крајот на првото полувреме.
Во второто полувреме, Баерн ја обезбеди победата. Леон Горецка направи пресврт во 64. минута, а Кингсли Коман го потврди триумфот со погодок во судиското продолжение.
