Баерн Минхен потешко од очекувањата успеа да дојде до триумф против Мајнц на „Алијанц арена“. Баварскиот тим славеше со 2-1 со пресврт во вториот дел. Карим Онисиво донесе водство за Мајнц, но Кингсли Коман израмни, а Џамал Мусијала се погрижи за пресврт и за нова победа.
Сега тимот на Џулијан Нагелсман има шест бода предност пред Борусија Дортмунд, која ремизираше (1-1) на гости кај Бохум.
Себастијан Полтер во 40.минута обезбеди предност за Бохум, а израмни Џулијан Брант на пет минути пред крајот на мечот.
Херта славеше со 2-0 против Арминија Билефелд, а Хофенхајм на гости го доби Фрајбург со 1-2.
