Томас Милер може да остане уште една сезона во Баерн Минхен. Баварците размислуваат да му понудат нов договор на 35-годишниот фудбалер, објави „Скај Спорт“. Актуелниот договор на Милер истекува ова лето.
Сепак, за ова да се случи, ветеранот ќе треба да се согласи на намалување на платата. Томас Милер е производ на академијата на Баерн и игра за првиот тим од 2007 година.
Досега, само во Бундес-лигата, тој има одиграно над 500 натпревари, во кои постигнал 164 гола.
Во европските натпреварувања има запишано 162 настапи и 55 голови, додека во Купот и Суперкупот на Германија има 79 натпревари и 41 гол.
