Раководството на Баерн Минхен се договори со Барнли за обештетувањето што ќе го плати за 38-годишниот стратег Винсен Компани. Тоа изнесува 12 милиони евра и останува Белгиецот да го потпише договорот со Баерн и да биде промовиран.
Таму нема да има никакви проблеми. Компани веќе се договорил за тригодишен договор до 2027 година и најверојатно во следните неколку часа ќе пристигне во Минхен.
Винсент Компани го водеше Барнли претходните две години. Со овој тим испадна од Премиер – лигата оваа сезона
Претходно тој раководеше со Андерлехт од 2019 година. Извесен период беше играч-тренер, а од 2020 година седи на клупата.
Компани е добро познато лице од светот на фудбалот. Со години играше за Манчестер Сити, а го носеше дресот на Андерлехт и на Хамбургер и оттаму добро го познава германскиот јазик, но и менталитетот на Бундес-лигата.
Некогаш одличниот дефанзивец ќе ги води Баварците во новата сезона. Оваа што заврши беше крајно неуспешна за Баерн бидејќи останаа без трофеј под водство на Томас Тухел.
