Освен одличните резултати на клупата на Баер Леверкузен, Чаби Алонсо е во центарот на вниманието и поради огромниот интерес на некои од водечките клубови за неговите услуги од следната сезона. Се чини дека тренерот веќе донел одлука. Тој ќе остане во Германија.
Ливерпул испрати официјална понуда до Баер Леверкузен и праша колку ќе чини да го доведе Алонсо, но некако тивко Баерн Минхен одлично си ја заврши работата и се чини дека успеа да го ангажира шпанскиот тренер.
Информациите од Германија се такви дека Алонсо ја отворил вратата за трансфер во Баерн, што секако е разочарувачка вест за сите навивачи на „црвените“ кои го гледаа како наследник на Јирген Клоп.
Ситуацијата е таква што Баерн веќе почна да работи на понатамошните чекори и висината на обештетувањето што ќе треба да им биде исплатено на „фармацевтите“ бидејќи Алонсо нема излезна клаузула.
Некои информации говорат дека Баварците на Баер Леверкузен ќе му платат сума до 25 милиони евра.
