Сенегалскиот интернационалец Садио Мане нема да биде дел од составот на Баерн Минхен на натпреварот од Бундес-лигата претстојниов викенд против Хофенхајм на домашен терен, информира германскиот клуб.
„Садио Мане нема да биде вклучен во тимот на Баерн за овој саботен натпревар на домашен терен против Хофенхајм. Ова се должи на неговото недолично однесување по натпреварот на Баерн од Лигата на шампионите против Манчестер Сити. На Мане ќе му биде изречена и парична казна“, соопшти Баерн Минхен.
Мане физички го нападна соиграчот Лирој Сане во соблекувалната по поразот (3-0) од Манчестер Сити на „Итихад“ во првиот четвртфинален дуел од Лигата на шампионите.
