Актуелниот првак Баерн Минхен доживеа убедлив пораз (3-0) на гостувањето кај лидерот Баер Леверкузен. Сега тимот на Чаби Алонсо има големи пет бода предност на врвот на табелата во Бундес-лигата.
Јосип Станишиќ, фудбалерот на Баерн кој игра на позајмица во Баер Леверкузен, го постигна првиот гол на натпреварот во 18.минута.
Алекс Грималдо во 50.минута зголеми на 2-0, а Фримпонг во 90.минута го потврди убедливиот триумф за Баер Леверкузен во дербито.
