„Аѕурите“ растураат на ЕП (ВИДЕО)

Фудбалската репрезентација на Италија има импресивен старт на Европското првенство. Селекцијата на Роберто Манчини и вториот меч го доби со убедливи 3-0. По Турција, „аѕурите“ вечерва славеа и против Швајцарија со 3-0 и веќе се во осминафиналето.

Со доминантна игра, Мануел Локатели донесе водство за Италијанците во 26.минута, а на стартот на вториот дел истиот фудбалер уште еднаш погоди за 2-0. Третиот гол беше дело на Чиро Имобиле во 89.минута од дуелот.