Ѕвездата на Реал Мадрид, Еден Азар ќе мора да оди на операција во следните денови, потврдија од клубот. Тоа значи дека ќе отуствува до крајот на сезоната.
Азар вчерашниот тренинг го напуштил по само десетина минути. Потврдена е повреда на зглобот која мора да се санира со операција.
Станува збор за хируршка интервенција на десниот зглоб, каде треба да му биде вграден фиксатор за пукнатата коска.
Азар нема среќа со повредите, па откако пристигна во Реал Мадрид пропушти многу натпревари и го загуби првотимскиот статус.
