Атлетико Мадрид го доживеа шестиот пораз во Ла Лига оваа сезона откако загуби на гости кај Севилја со 1-0. Покрај тоа, Диего Симеоне го загуби и Алваро Мората, кој го повреди коленото и беше заменет на полувремето со Мемфис Депај.
Исак Ромеро го постигна единствениот погодок за Севилја уште во 15.минута од натпреварот. Гостите немаа соодветен одговор до крајот на дуелот.
Севилја врза две победи во низа и сега се наоѓа на 15. позиција со 23 бода.
