Шпанскиот првак Атлетико Мадрид имаше водство од 1-3, но не успеа да слави на „Месталја“ против Валенсија. Домаќинот даде два гола во судиското продолжение и сензационално стигна до реми, 3-3.
Хуго Дуро е херојот на „лилјаците“, тој ги постигна двата гола за израмнување и донесе бод за Валенсија.
Суарез донесе предност за Атлетико Мадрид, а Валенсија израмни со автоголот на Савиќ. Но, Гризман и Врсаљко зголемија на 1-3 по еден час игра. Сепак, Валенсија не се предаде, долго бараше погодок, а потоа експлодираше Хуго Дуро со два гола.
Атлетико Мадрид сега има 23 бода, четири помалку од лидерот Реал Мадрид.
