Антоан Гризман по завршувањето на сезоната ќе биде член на Атлетико Мадрид. Тој оваа сезона игра како позајмен играч на „Ванда Метрополитано“ од редовите на каталонскиот клуб. Атлетико Мадрид ќе плати за него 40 милиони евра.
Минатото лето Гризман без размислување прифати да биде позајмен во Атлетико откако не се снајде најдобро на „Камп Ноу“. Тој порача и дека нема намера да се враќа во Барселона.
Двата клуба се договорија Атлетико Мадрид да го откупи договорот на Гризман за 40 милиони евра, доколку тој одигра 50 отсто од натпреварите. Досега, Грзиман настапил на 66 отсто од натпреварите и покрај тоа што два и пол месеци не играше поради повреда.
