Шпанскиот прволигаш Атлетико Мадрид ја одреди својата цел за засилување на нападот. Тие ќе испратат понуда за голгетерот на Бетис, Борха Иглесијас. Тоа треба да биде играчот кој треба да го замени Жоао Феликс во составот на Диего Симеоне.
Атлетико веќе стапил во контакт со луѓе од опкружувањето на Борха Иглесијас, но не преговарале со Бетис. 29-годишниот фудбалер има постигнато осум гола од почетокот на сезоната во Примера, а неговиот договор е до 2026 година.
Диего Симеоне притиска да му биде донесне нов напаѓач бидејќи Атлетико Мадрид се раздели и со Матеус Куња кој потпиша за Вулверхемптон. Сега единствен класичен напаѓач во тимот е Алваро Мората.
