Јувентус очекува понуди за Душан Влаховиќ ова лето, а според „Газета дело Спорт“, 25-годишниот напаѓач го привлекол интересот на Атлетико Мадрид.
Србинот е водечки стрелец на „старата дама“ оваа сезона, но неговиот договор истекува во 2026 година и тој не сака да потпише нов. Платата на Влаховиќ автоматски ќе се зголеми на 12 милиони евра по сезона од летово, а клубот сака да ја распредели оваа сума на подолг период, но српскиот репрезентативец не изгледа заинтересиран за таа опција. Затоа, „бјанконерите“ ќе треба да го продадат 25-годишниот играч сега, за да избегнат да го изгубат без отштета на крајот од сезоната 2025/26.
Влаховиќ претходно беше поврзуван со Арсенал, Челси, дури и со Барселона, но слабите негови настапи во втората половина од сезоната го оладија интересот на клубовите кои го следеа. Тој постигна 14 голови на 39 натпревари во сите натпреварувања оваа сезона, но само двапати се запиша во Серија А во 2025 година.
Финансискиот директор на Јувентус, Кристијано Џунтоли, неодамна зборуваше за иднината на Влаховиќ, најавувајќи разговори со претставниците на играчот.
„Имаме многу добри односи со играчот и неговиот агент“, изјави директорот на Јувентус. „Ќе седнеме на крајот од сезоната за да дискутираме и процениме дали ќе продолжиме заедно или ќе тргнеме по различни патишта.“
