Атлетик Билбао направи уште една голема сензација во Купот на Шпанија. После Барселона, фудбалерите на баскискиот клуб го елиминираа и Реал Мадрид и се пласираа во полуфиналето на Кралскиот Куп.
Атлетик Билбао славеше со 1-0, а херој на домаќинот беше Алекс Беренгер кој успеа да го совлада Тибо Куртоа во 89.минута од дуелот.
Претходно, одлична шанса за Реал Мадрид имаше Кашемиро во 80.минута, но домашниот голман Хулен Агирезабала го одбрани неговиот удар.
