Аталанта успеа да слави многу важен триумф (2-3) на гости во Фиренца и се врати на четвртата позиција на табелата во Серија А со 61 бод. Тимот на Гасперини почна одлично и поведе со 0-2 по првиот дел со двата гола на Дуван Запата.
Сепак, Фиорентина, не се предаде лесно. Душан Влаховиќ беше двоен стрелец, во 57. и во 66.минута и донесе израмнување. Но, Јосип Иличиќ од пенал ги разреши дилемите и донесе три важни бода за гостите од Бергамо.
