Англискиот премиерлигаш Астон Вила направи три големи чекори кон пласманот во четвртфиналето на Лигата на шампионите. Тимот на Унаи Емери славеше со 1-3 на гости кај Клуб Бриж и обезбеди голема предност пред реваншот во Бирмингем, каде ќе треба да го потврди пласманот во следната рунда од елитното европско клупско натпреварување.
Леон Бејли го најави триумфот уште во третата минута, но израмни Максим де Кујпер во 12.минута.
Брендон Мехеле во 82.минута си постигна автогол и повторно Астон Вила дојде во водство, а Марко Асенсио од пенал во 88.минута се погрижи за убедлив триумф на англискиот тим.
