Астон Вила сериозно ја најавува кандидатурата за шампионската титула во Премиер-лигата откако после Манчестер Сити успеа да го победи и Арсенал. Тимот на Унаи Емери славеше со 1-0 и сега се наоѓа на третата позиција со 35 бода, само два помалку од лидерот Ливерпул.
Џон Мекгин во седмата минута донесе водство за Астон Вила, а Арсенал не успеа да одговори до крајот.
Каи Хаверц во финишот постигна гол, но не беше признат откако во ВАР собата беше утврдено дека се послужил и со игра со рака.
