Микел Артета објави дека Букајо Сака и Габриел Мартинели ќе бидат достапни за натпреварот против Лутон утревечер на „Емирати“. Шефот на „топчиите“ објави дека и двајцата тренирале, но генерално тимот немал тренинг со максимален интензитет по дербито со Манчестер Сити.
„Сака е добро, но сѐ уште не сме тренирале, досега имавме кратки сесии, ќе видиме како ќе се чувствува на денот на натпреварот“, истакна Артета.
За Мартинели информациите се слични.
„Тој е достапен да игра 90 минути против тежок противник. Ќе видиме како е во моментов и утре ќе ја донесеме најдобрата одлука за него и за тимот“, додаде менаџерот на Арсенал.
