Менаџерот на Арсенал, Микел Артета, ја презеде целосната вина за поразот од Вест Хем со 3-1 во Карабао купот. „Топчиите“ беа елиминирани во осминафиналето, а шпанскиот стратег направи неколку измени во стартниот состав. Сепак, се тргна наопаку по автоголот на Бен Вајт, со кој „чеканите“ поведоа.
„Многу сум разочаран. Моја е вината, испаднавме од Лига купот, сакавме да играме на поинаков начин и да се бориме“, изјави менаџерот на Арсенал по натпреварот.
„Натпреварот отиде во таа насока поради првиот гол, но мора да направиме многу повеќе за да ја заслужиме победата“, додаде тој.
„Разочаран сум од себе, сакав да играме поинаку, но на крајот не успеавме. Секој пораз боли. Мораме да го искористиме за да се подготвиме најдобро што можеме за Њукасл в сабота”, истакна Артета.
