Со дуелот Арсими – Пелистер што ќе се игра во Гостивар се спушта завесата на првиот дел од македонското фудбалско првенство. Пред важниот меч, фудбалерот на Арсими, Ринор Ајдини, ги изнесе очекувањата и апелот кон навивачите.
Ајдини ја нагласи важноста на дуелот и мотивот во редовите на Арсими:
“Овој натпревар е исклучително важен за нас. Во позитивен момент сме по победите над Шкендија и пред неколку дена против Силекс во Кратово, но тие победи добијат целосна вредност само ако успееме да славиме на овој натпревар. Мора да влеземе концентрирани и без потценување, затоа што Пелистер знае да биде опасен”.
Тој додаде дека тимот сака да ја затвори полусезоната на најдобар можен начин.
“Нашата цел е јасна, да ja завршиме полусезоната со победа. Работевме многу и веруваме во нашите сили. Се надеваме дека навивачите ќе бидат со нас, затоа што нивната поддршка ни дава дополнителна енергија”.
Натпреварот од 16. коло меѓу Арсими и Пелистер ќе се одигра со почеток во 13:00 часот на Градскиот стадион во Гостивар.
