Арсенал ја оствари шестата победа во Премиер – лигата оваа сезона совладувајќи го Вотфорд на домашен терен со 1-0. Тоа е трета последовна победа за составот на Микел Артета. По овој триумф, „топчиите“ стигнаа до 20 бода, три повеќе од Манчестер Јунајтед, и се наоѓаат на петтата позиција.
Пјер – Емерик Обамејанг во првото полувреме не успеа да реализира пенал, односно Бен Фостер во 36.минута го одбрани неговиот удар. Сепак, во вториот дел, Емит Смит Роу во 56.минута го постигна победничкиот погодок на натпреварот.
