Арсенал му приреди вистинско понижување на лондонскиот ривал Вест Хем совладувајќи го на гости со 0-6. Тоа е 16. триумф за „топчиите“ во Премиер – лигата по кој стигнаа до 52 бода, два помалку од Ливерпул.
Тимот на Микел Артета немаше милост за ривалот. Салиба во 32.минута го отвори резултатот, а до крајот на првиот дел Арсенал постигна уште три гола. Стрелаа Букајо Сака, Габриел и Леандро Тросар.
Во второто полувреме голот на Вест Хем го погоди и поранешниот играч на овој клуб Деклан Рајс и не славеше, а претходно уште еднаш стрелаше и Букајо Сака.
