Арсенал им се врати на победите во Премиер – лигата славејќи на гости против Вулверхемптон со 0-2, само три дена по елиминацијата во Лигата на шампионите. „Топчиите“ сега повторно се на лидерската позиција на табелата со 74 бода, еден повеќе од Манчестер Сити кој има одиграно еден натпревар помалку.
Леандро Тросар донесе водство за Арсенал во последните мигови од првото полувреме, а речиси идентично погоди и Мартин Одегард, но во судиското продолжение од мечот, за конечни 0-2.
