Аргентина имаше сигурна предност од 2-0, и веќе се виде во полуфиналето, но Холандија херојски се врати и израмни на 2-2 во 101.минута од натпреварот. Ваут Вегорст беше двоен стрелец, а посебно убав беше израмнувачкиот погодок, откако по слободен удар доби топка во шеснаесетникот и вторпат го надмудри Дамијано Мартинез.
Молина во првиот дел донесе водство за Аргентина, по одличната асистенција на Меси, во 35.минута, а потоа капитенот реализираше пенал во 73.минута.
Аргентина сите ја видоа во полуфинале, но Ван Гал ја смени концепцијата, ги внесе двометрашите Лук де Јонг и Ваут Вегорст. Токму Вегорст со удар со глава намали на 2-1 во 83.минута, а потоа и израмни во 101.минута од дуелот.
Мечот сега оди во продолженија…
