Аргентина обезбеди место во полуфиналето на Копа Америка откако го совлада Еквадор со убедливи 3-0. Човек на одлука беше Лионел Меси кој со еден гол и две асистенции ги одведе „гаучосите“ на полуфинална пресметка со Колумбија.
Родриго де Пол во 40. минута донесе водство за Аргентина, по асистенцијата на Лео Меси. Вториот гол беше дело на Лаутаро Мартинез, а Лионел Меси со прекрасно изведен слободен удар во 93. минута го потврди триумфот.
