Германија е носител и главен фаворит во групата Ј, а Македонија има реални шанси да се бори за второто место во групата со останатите селекции. Романија и Исланд заслужуваат респект, но секако не се непобедливи, Македонија може со нив да се надигрува, вели селекторот Игор Ангеловски.
„Германија е фаворит, со оглед дека е носител во групата Ј, а има и огромно фудбалско педигре, како и голем играчки потенцијал. Сите останати селекции заедно со Македонија ќе бидат во трка за второто место. Романија и Исланд се силни репрезентации кои заслужуваат респект, но Македонија покажа дека има капацитет да се надигрува со сите“, вели селекторот на фудбалската репрезентација на Македонија, Игор Ангеловски.
Натпреварите од првото коло се закажани за 24-25 март, а последното десетто на 14-16 ноември идната година.
