Карло Анчелоти денеска потврди дека нема намера да го напушти Реал Мадрид.
Иако се шпекулираше дека Италијанецот би можел да замине, тој не сака да го напушти Реал и верува дека без разлика на резултатите до крајот на сезоната ќе остане во Мадрид.
„Верувам дека ќе останам овде и следната сезона, без сомнение. Претседателот беше отворен за мене и се договоривме да бидам тука и следната сезона. Сакам да го испочитувам мојот договор до крајот”, изјави Анчелоти.
Реал Мадрид ја загуби титулата од Барселона, но ќе игра во финалето на Копа дел Реј, а се наоѓа и на прагот од полуфиналето во Лигата на шампионите.
Анчелоти минатата сезона ги освои Ла Лига и Лигата на шампионите, па нема сомнеж дека ја заслужува довербата, без разлика на сѐ.
