Реал Мадрид е во се поголеми проблеми со коронавирусот. После Лука Модриќ и Марсело, уште петмина во „кралскиот клуб“ се позитивни на Ковид-19. Марко Асенсио, Герет Бејл, Родриго и голманот Андриј Лунин појавиле симптоми и имале позитивен тест на коронавирусот. Петтиот е синот на Карло, Давиде Анчелоти, кој е дел од стручниот штаб.
Сите веднаш се префрлени во изолација, а Анчелоти веќе се соочува со вонредна состојба. Тимот е десеткуван и прашање е дали тоа ќе биде конечната бројка на отсутни пред мечот против Кадиз овој викенд.
