Карло Анчелоти ги демантираше шпекулациите дека има намера да го напушти Реал Мадрид ова лето. Тој зборуваше на оваа тема за време на прес-конференцијата пред утрешниот натпревар против Салцбург во Лигата на шампионите.
„Сакам да бидам јасен: никогаш нема сам да одлучам кога да го напуштам овој клуб, никогаш во мојот живот. Еден ден тој момент ќе дојде, но не знам кога ќе биде тоа. Не зависи од мене да одлучувам. Може да се случи утре, по неколку натпревари, за една година, за пет години…
Флорентино Перез ќе биде тука уште четири години, а мојата цел е да го завршам неговиот мандат заедно со него. И можеме заедно да си заминеме,“ рече Анчелоти низ смеа.
