Алиоски и Барди се приклучија на А-тимот

Фудбалската репрезентација на Македонија се комплетира во пресрет на септемвриските квалификации. Езгјан Алиоски пристигна од далечната Саудиска Арабија, а и Енис Барди дојде од Шпанија. Треба да се приклучи голманот Столе Димитриевски, веќе се тука и интернационалците од Хрватска, Стефан Ристовски и Дарко Велковски.

Македонија на 2.септември игра против Ерменија во Скопје, три дена подоцна гостува на Исланд, а на 8.септември е домаќин на Романија.