Поранешниот тренер на Македонија ЃП, Александар Таневски, ќе биде нов шеф на стручниот штаб на македонскиот прволигаш Академија Пандев. Тој се договорил со раководството на стрмичкиот клуб за ангажман до крајот на сезоната.
Таневски утре ќе допатува во Струмица и од трибините ќе го следи куп-мечот против Шкупи, а од четврток официјално ќе го преземе составот на Академија Пандев. Неговото деби треба да се случи на првенствениот дуел против Работнички во Скопје.
Таневски доаѓа на местото на Југослав Тренчовски, кој поднесе оставка по ремито со Борец во минатото коло.
