Алекс Фергусон за 20 секунди го разубедил Роналдо да не потпише за Сити

Големото дерби на Манчестер е закажано за утре на „Олд Трафорд“, а британските медиуми го најавуваат со „триумфот“ на Јунајтед со ангажманот на Кристијано Роналдо. Португалската ѕвезда беше на чекор до потпис со „граѓаните“, но само еден телефонски повик од Алекс Фергусон и помалку од 20 секунди биле доволни за тој да се премисли.

Роналдо отсекогаш Сер Алекс за негов „фудбалски татко“. Буквално се било договорено Роналдо од Јувентус да се пресели во Манчестер Сити и тој се качил во приватниот авион за да пристигне на „Итихад“.

Но, тогаш следел повикот од Фергусон. Тој му се јавил Роналдо и му го кажал „Немој да потпишуваш за Сити. Ти си синот на Јунајтед, ќе те вратам тука. Ќе умрам ако те видам во син дрес“.

Португалецот ја почувствувал решителноста на Фергусон и откако слетал во Манчестер наместо на „Итихад“ прво заминал на „Олд Трафорд“. Се договорил за неколку минути да се врати во својот поранешен клуб.