Катарскиот клуб Ал-Сад потврди дека се разделува со досегашниот тренер Чави Хернандез. Легендата на Барселона се враќа на „Камп Ноу“ и ќе биде наследник на Роналд Куман на тренерската позиција на каталонскиот гигант.
Барселона ќе ја плати отштетната клаузула од 6 милиони евра, а се обврза да одигра и пријателски натпревар со Ал-Сад во блиска иднина.
Како привремено решение беше поставен Серхи Бархуан, кој е тренер на Б-тимот на Барселона, додека не се реши исходот со Чави. Сега тој има отворен пат за враќање во редовите на Барселона од каде замина по натпреварувачката сезона 2014/15.
