Францускиот гигант Пари Сен Жермен го доведе Лионел Меси, но се уште виси работата со Килијан Мбапе. Тој има договор до јуни следната година, а најави дека сака да си замине. Реал Мадрид го чека неговиот потпис, а претседателот Насер Ал Келаифи имаше порака за напаѓачот.
„Мбапе јавно изјави пред неколку месеци дека му треба подобар спортски проект и тим што може да се бори за титули. Не може да има подобар тим од оној што го составивме. Тој е парижанец. Нема друг избор освен да остане тука. Сега се зависи од одлуката на Мбапе. Поентата е јасна – доволно е да каже што сака, јавно. Ако не го стори тоа, мислам дека Реал Мадрид конечно треба да се ослободи од желбата да го доведе, да се сврти кон други имиња и да му ја затвори вратата засекогаш. Точка“, истакна Насер Ал Келаифи.
