Претседателот на Пари Сен Жермен, Насер Ал-Келаифи, со голема почит говореше за тренерот Луис Енрике, откако клубот се пласираше во финалето на Лигата на шампионите. Тоа ќе биде второ финале во историјата на ПСЖ, а прво во кое клубот ќе игра со поддршка на своите навивачи на трибините.
„Луис Енрике ми рече уште на почетокот: „Ќе го гледаш твојот тим како игра неверојатен фудбал и ќе уживаш во тоа. Сакам да играме офанзивно. Тоа го вети – и го исполни. Тој е најдобриот тренер во светот“, изјави претседателот на ПСЖ.
Ал-Келаифи истакна дека целта на клубот оваа сезона не била финале, туку градење на млад и конкурентен тим за иднината. Но, по успехот во групната фаза и елиминацијата на три англиски клуба, Ливерпул, Астон Вила, Арсенал, ПСЖ покажа дека е подготвен за најголемата сцена.
Следниот чекор е финалето против Интер во Минхен на 31 мај, а Ал-Келаифи предупреди дека ривалот е одличен тим.
„Интер е фантастичен тим, кој игра второ финале во последните три години“, потенцираше Ал-Келаифи.
