Ал-Етифак официјално го раскина договорот со Дарко Велковски

Македонскиот репрезентативец Дарко Велковски не е веќе член на саудискиот клуб Ал-Етифак. Клубот потврди дека спогодбено го раскинал договорот со дефанзивецот.

„Ал-Етифак потврдува дека спогодбено го раскина договорот со Дарко Велковски. Благодариме Дарко, за сѐ што направи за клубот“, објави Ал-Етифак.

Дарко Велковски од вчера тренира со својот поранешен клуб Работнички, во пресрет на стартот на подготовките на националниот тим за натпреварите против Италија и против Малта.