Академија Пандев потпиша професионален договор со најмладиот првотимец

Македонскиот прволигаш Академија Пандев ги чува своите таленти. Клубот објави дека денеска професионален договор потпишал најмладиот фудбалер вклучен во сениорскиот тим, Кире Стојанов. Тој денеска полни 16 години, а со тоа го доби и својот прв професионален договор во кариерата.

Кире Стојанов кој игра на позиција крило, е дете од школата на Академија Пандев и е репрезентативец на Македонија во селекцијата У-17.