Македонскиот фудбалски прволигаш Академија Пандев официјално го промовираше Филип Трајановски. 19-годишниот централен дефанзивец и член на младинската репрезентација на Македонија ја засилува одбраната на струмичкиот тим за пролетниот дел од сезоната.
Трајановски ги помина подготовките во Анталија, но се чекаше на целосна документација и потврда за настап.
Веќе в недела Трајановски ќе конкурира за настап во составот на Академија Пандев против Македонија Ѓорче Петров во првото коло од вториот дел од шампионатот во Првата македонска фудбалска лига.
