Македонскиот прволигаш Академија Пандев речиси комплетно го реорганизира ростерот за пролетниот дел од сезоната. Со доаѓањето на Александар Васоски за нов шеф на стручниот штаб се случија и многу промени во тимот. Раководството на клубот доведе голем број нови фудбалери.
Последните две аквизиции за „пандевци“ се младите фудбалери, Андреј Стојчевски и Бесник Ферати. Академија Пандев ги претстави како засилувања и инвестиција во иднината.
Академија Пандев утре во Струмица го отвора пролетниот дел од првенството со дуелот против Работнички на домашен терен.
