Аргентинскиот фудбалер Серхио Агуеро мораше во предвремена пензија поради проблеми со срцето, но, сега кога се чувствува подобро, размислува и за враќање на теренот. Тој би ги следел чекорите на Кристијан Ериксен, кој успешно се врати во Премиер – лигата како член на Бренфторд и во репрезентацијата на Данска, откако преживеа срцев удар на Европското првенство, а потоа му беше вграден дефибрилатор.
„Овие денови ми падна на памет дека можам да се вратам. Лекарите ми препорачаа половина година да немам никакви активности, но сега почнав да размислувам да се вратам на терените и да се вратам на тренинзи, изјави Агуеро.
Аргентинецот ова лето дојде во Барселона од Манчестер Сити, но само по неколку месеци мораше да ги послуша лекарите и да ја прекине кариерата.
