Напаѓачот на Барселона, Ансу Фати, се здоби со нова повреда на коленото. Каталонскиот клуб вечерва соопшти дека Фати го повредил левото колено на последниот тренинг, но не е познато колку време ќе отсуствува.
Ова е голем проблем за Чави Хернандез, бидејќи во аут е и Осман Дембеле, како и Педри, а тимот има пеколен распоред во Ла Лига и Копа дел Реј.
Барса в недела ќе гостува во Алмерија, а в четврток во Мадрид го игра првиот натпревар од полуфиналето на Купот на Кралот против Реал Мадрид.
Извесно е дека Фати нема да биде достапен за споменатите натпревари, а во наредните денови ќе се знае точно колку ќе биде на принудна пауза.
Фати мина низ вистински пекол поради повреди од есента 2020 година кога трипати мораше да го оперира коленото.
