Connect with us

Агим Ибраими со гол и со асистенција за Алими ја реши Академија Пандев

Шкендија триумфираше во дербито (1-2) против Академија Пандев во Струмица и успешно го стартуваше пролетниот дел од првенството во Првата лига. Негативата во однос на лидерот Вардар сега повторно е осум бода, откако составот на Александар Васоски вчера ја победи Македонија ЃП. 

Академија Пандев добро почна и поведе по пет минути игра, но Шкендија направи џелосен пресврт во продолжението од мечот. По акцијата на Дориев, топка во шеснаесетникот доби Даниел Миловановиќ и го совлада Костадин Захов. 

Шкендија успеа да израмни во 23.минута. Агим Ибраими нафрли од левата страна, а Арменд Алими со удар со глава ја погоди мрежата на Академија Пандев. 

Во 55.минута беше досуден пенал за Шкендија, по грубиот старт на Диме Димов над Бесарт Ибраими во шеснаесетникот. Најстрогата казна успешно ја реализираше Агим Ибраими за комплетен пресврт. Во самиот финиш, Захов спаси израмнување со одлична интервенција, по шутот на Ндуе Мујеци и интервенцијата на Мурати.

Шкендија се наоѓа на втората позиција на табелата со 31 бод, осум помалку од лидерот Вардар.   

 

Advertisement
Advertisement
Advertisement

Facebook

Тимови