Македонскиот репрезентативец Аријан Адеми заработи нова повреда. Тој мораше предвреме да го напушти натпреварот меѓу Динамо Загреб и Локомотива (0-0) на „Максимир“.
Адеми беше на клупата за резерви, тренерот Жељко Копиќ сакаше да го поштеди, меѓутоа неговите соиграчи е можеа да стигнат до водство против Локомотива, па го уфрли во игра на почетокот на второто полувреме. И тој доби силен удар од соиграчот Јосип Мишиќ, по што мораше да биде повлечен.
Динамо го очекува реванш меч со Севилја во осминафиналето на Лигата на Европа, но и дерби против Осијек во хрватското првенство.
